Ադրբեջանական 1news.az-ի փոխանցմամբ՝ Ադրբեջանի փոխարտգործնախարար Արազ Ազիմովը հայտարարել է, որ պաշտոնական Բաքուն անհանգստացած է Հայաստանում ռուսական զինծառայողների ներկայությունից.
«Ռուսաստանը պետք է Հարավային Կովկասում միլիտարիստական ներկայության կոնցեպցիայից անցում կատարի տնտեսական ներկայության կոնցեպցիային։ Դժբախտաբար, Ռուսաստանն անհրաժեշտ է համարում Հայաստանի տարածքում զինված ուժեր պահելը։
Գնալով մենք տեսնում ենք ավելի ու ավելի քիչ հիմքեր՝ Հարավային Կովկասում այդպիսի միլիտարիստական կոնցեպցիայի համար։ Եկել է ժամանակը՝ տանկերը լցանավերով փոխարինելու համար։ Այսինքն, ռազմականին պետք է փոխարինի տնտեսականը»։
Ազիմովի կարծիքով՝ Ռուսաստանի շահերից է բխում ղարաբաղյան հակամարտության կարգավորմանն առնչվող բանակցությունների ժամանակ հնչեցվող կառուցողական առաջարկների ընդունման հարցում Հայաստանին համոզելը։
