Այսօր՝ փետրվարի 11-ին, Ազգային ժողովում մեկնարկել է 7-րդ գումարման 4-րդ նստաշրջանը: Այժմ քննարկվում է Տեղական ինքնակառավարման մասին օրենքում փոփոխություն կատարելու մասին օրենքի նախագիծը:
Ինչպես նշեց օրենքի հեղինակ՝ «Լուսավոր Հայաստան» խմբակցության պատգամավոր Արմեն Եղիազարյանը՝ այս պահին ՀՈԱԿ-ների ղեկավարների ժամանակավոր պաշտոնակատարները կարող են աշխատել անժամկետ, ինչը խնդիր է հարուցում. «Ես առաջարկել եմ, որ մինչև ՀՈԱԿ ղեկավարի թափուր պաշտոնի մրցույթի կայացումը համայնքի ղեկավարը կարողանա նշանակել ՀՈԱԿ ղեկավարի ԺՊ ոչ ավել, քան 6 ամիս ժամկետով: Եթե մրցույթը հայտարարվում է չկայացած, ապա կարող է երկարաձգվել 1 անգամ՝ երեք ամիս ժամկետով»:
Նրա խոսքով՝ այս նախագծով վերջ է դրվում համայնքների ղեկավարների կողմից կոռուպցիոն սխեմայով նշանակումներին, երբ ՀՈԱԿ-ների ղեկավարների ԺՊ-ները տարիներով մնում են իրենց պաշտոնին:
Մանրամասները՝ տեսանյութում:
