Ճապոնիայի ափերի մոտ Diamond Princess զբոսանավում, որտեղ կարանտին էր հայտարարվել, փետրվարի 10-ին նոր կորոնավիրուսով վարակվածների թիվն աճել է 60-ով՝ հասնելով 130-ի: Նախօրեին կարծում էին, թե զբոսանավում գտնվող գրեթե 3700 հոգուց ընդամենը 70 ուղևոր է վարակվել նոր կորոնավիրուսով:
Ավելի վաղ նշվում էր, որ զբոսանավի ուղևորները կարող են ճանապարհորդության հետ կապված ծախսերի լրիվ փոխհատուցում ստանալ: Ինչպես Princess Cruises ծովային ճամփորդական ընկերությունը փետրվարի 10-ին հաղորդել է իր կայքում, խոսքը վերաբերում է այն միջոցների հատուցմանը, որոնք ծախսվել են ավիատոմսերի, տաքսու, «սինկանսեն» արագընթաց գնացքների, Ճապոնիայում ծովային ճամփորդությունից առաջ և հետո հյուրանոցներում բնակվելու, ինչպես նաև այն քաղաքներում էքսկուրսիաների համար, որտեղ զբոսաշրջիկները կարողացել են իջնել ափ: Բացի դրանից, ընկերությունը մտադիր է բոլոր ուղևորներին տրամադրել հանրանավով հաջորդ ուղևորության զեղչ ներկայիս ճամփորդության 100 տոկոսի չափով: Անհատական նամակները՝ Princess Cruises-ի առաջարկության մանրամասների պարզաբանումներով կուղարկվեն յուրաքանչյուր նավախցիկ:
