Վրաստանի նախկին նախագահ Միխեիլ Սաակաշվիլին հայտարարել է, որ մարտի 1-ից նախատեսում է Թբիլիսիում քաղաքական շտաբ բացել: Այս մասին նա հայտարարել է ֆեյսբուքյան իր էջում:
Սահակաշվիլիի խոսքով, իր հետևում կանգնած են շատերը, բացի այդ ինքը և վրաց ժողովուրդը միջազգային աջակցություն ունեն:
«Մարտի 1-ից Սաակաշվիլիի նախագահական գրադարանում ես բացում եմ իմ շտաբը, անձնական շտաբը …», – գրել է նախկին նախագահը՝ հավելելով, որ ինքը պաշտպանում է ընդդիմադր բոլոր ուժերի միասնությունը:
Նշենք, որ այս տարվա աշնանը Վրաստանում անցկացվելու են խորհրդարանական ընտրություններ: Ներկայումս երկրի նախկին նախագահ Սաակաշվիլին Վրաստանում չի բնակվում, քանի որ ներկայիս իշխանությունները նրա դեմ քրեական գործեր են հարուցել: