Այսօր առավոտից ՀՀ ազգային անվտանգության ծառայության աշխատակիցները խուզարկություն են իրականացրել ՀՀ քաղաքաշինության կոմիտեի նախագահ Վահագն Վերմիշյանի աշխատասենյակում: Ավելի ուշ Վերմշյանն ԱԱԾ աշխատակիցների ուղեկցությամբ հեռացել է շենքից:
Armtimes.com-ին կոմիտեից հայտնել են, որ քննչական գործողությունները, ըստ էության, ավարտված են: Վերմիշյանի աշխատասենյակում այլևս ոչ ոք չկա, դուռն էլ կնքված է: Կայքին փոխանցել են, որ առաջիկայում ԱԱԾ-ն հաղորդագրություն կտարածի: Թե ինչ քրեական գործի շրջանակում է ԱԱԾ-ն խուզարկություն իրականցրել Վերմիշյանի աշխատասենյակում, եւս հայտնի չէ:
Armtimes.com
