Հոնկոնգում հարյուրավոր բուժաշխատողներ, այդ թվում՝ բժիշկներ ու բուժքույրեր գործադուլ են սկսել՝ պահանջելով իշխանություններից լիովին փակել Չինաստանի հետ սահմանը՝ կորոնավիրուսի վարակի տարածման կանխարգելման պատճառով:
Որպես ակցիայի կազմակերպիչ է հանդես եկել բուժաշխատողների նոր արհմիութենական միավորումը (Hospital Authority Employees Alliance): Ակտիվիստներն զգուշանում են, որ հոնկոնգյան հիվանդանոցները չեն կարողանա տեղավորել բոլոր պացիենտներին համաճարակի հետագա տարածման դպքում: Արհմիությունն սպառնացել Է փետրվարի 4-ին բողոքի ակցիայի դուրս բերել մինչև 6 հազար բժիշկների, եթե վարչակազմն իր պահանջը չբավարարի մինչև երկուշաբթի օրվա երեկոն:
Վերջին 24 ժամվա ընթացքում Հոնկոնգում 2019-nCoV նոր տիպի կորոնավիրուսով վարակման հաստատված դեպքերի թիվը հասել է 15-ի: Համաճարակի սպառնալիքի պատճառով այստեղ փակվել են տուրիստական, մշակութային ու մարզական օբյեկտները, չեղարկվել են զանգվածային միջոցառումները, մինչև մարտ ամիս երկարացվել են դպրոցական արձակուրդները: Հունվարի 30-ից քաղաքը դադարեցրել է երկաթուղային ու լաստանավային հաղորդակցությունը մայրցամաքային Չինաստանի հետ, երկու անգամ կրճատել է ավիաչվերթների թիվը: Նաև դադարեցված է չինացի զբոսաշրջիկներին Հոնկոնգ մուտքի թույլտվությունների տրամադրումը:
