Սպիտակ տանը հերքել են ԱՄՆ-ի և Չինաստանի միջև չվերթների հնարավոր արգելքի մասին լուրերը։ Սպիտակ տան բարձրաստիճան աղբյուրը հայտարարել է, որ Միացյալ Նահանգները ավիաընկերություններին չեն խնդրել դադարեցնել չվերթները, նրա խոսքերն է հաղորդում CNN-ը։
Ավելի վաղ հաղորդվել էր, որ Սպիտակ տունը կարող է դադարեցնել ԱՄՆ-ի և Չինաստանի միջև չվերթները կորոնավիրուսի զոհերի աճի պատճառով։ Այս մասին հաղորդել էր CNBC հեռուստաալիքը՝ հղում անելով աղբյուրներին։ ԱՄՆ նախագահ Դոնալդ Թրամփի վարչակազմի ներկայացուցիչները հայտարարել են լրագրողներին, որ չինական վիրուսի տարածումը զսպելու տարբեր միջոցառումներ են դիտարկվում։
Հունվարի 29-ի դրությամբ վարակվածների թիվը հասել է 3554 մարդու, ներառյալ 840 նոր դեպքերը Հուբեյ նահանգում։ Վիրուսից մինչ օրս մահացել է 131 մարդ։