«Աղքատության վերաբերյալ այն իրավիճակը, որը կար՝ եղել է նախկին իշխանությունների քաղաքական նպատակը, այլ ոչ թե տնտեսական իրավիճակի արդյունք կամ այլ կերպ ասած՝ եղել է նման քաղաքական պատվեր, որի համար տնտեսական մեխանիզմներ են գտնվել, այսինքն՝ քաղաքական պատվերն այն էր, որ քաղաքացիները լինեն կառավարելի և ոչ ակտիվ, որպեսզի ընտրությունների ժամանակ հնարավոր լիներ կանխատեսելի արդյունքներ ապահովել՝ մի քանի հազար դրամ ընտրակաշառք կամ այլ տիպի «օգնություն» բաժանելու միջոցով։
Մարդկանց ստիպել են յոլա գնալու տարբերակով ապրել և հիմա շատ լավ է, որ ներկայիս կառավարությունը հեռու է այդ մտքից և անձամբ Նիկոլ Փաշինյանն այլ պնդում է անում՝ վերացնել յոլա գնալը և որպես պետություն քաղաքացիներին տալ հնարավորություն աշխատելու, բիզնեսով զբաղվելու»,- «Առաջին լրատվական»-ի հետ զրույցում նշեց տնտեսագետ Վահագն Խաչատրյանը՝ խոսելով սոցիալական աջակցության ներդրման նոր հայեցակարգի մասին։
Տնտեսագետի կարծիքով՝ այստեղ շատ մեծ անելիք ունեն նաև մարզպետները՝ յուրաքանչյուրն իր մարզում սոցիալական ծրագրեր իրականացնելու, իր մարզի բնակչության շրջանում գործարարությունը խթանելու տեսանկյունից, որպեսզի մարզերը նույնպես համաչափ զարգանան և ամեն բան կենտրոնացած չլինի միայն Երևանում։
«Եթե մարզպետները չաշխատեն՝ ամեն ինչը կմնա միայն թղթի վրա գրված բառեր․ այդ պատկերը չունենալու համար՝ նրանց համար սա պետք է լինի առաջնահերթություն և ամենօրյա աշխատանք, ինչպես նաև մարզպետներն իրենց մարզի յուրաքանչյուր բնակավայրի համար պետք է ունենան ճանապարհային քարտեզ՝ գույքագրեն խնդիրներն ու արդեն, ի վերջո, անցնեն դրանց լուծմանն ու աշխատանքային պարտականությունների կատարմանը»,-ընդգծեց Վահագն Խաչատրյանը։
Մանրամասները՝ տեսանյութում։