Այսօր՝ հունվարի 20-ին, Ազգային ժողովում մեկնարկել է 7-րդ գումարման 4-րդ նստաշրջանը:
«Լուսավոր Հայաստան» խմբակցությունն առաջարկել է փոփոխություն կատարել Հարկային օրենսգրքում: Ինչպես ներկայացրեց խմբակցության պատգամավոր Գուրգեն Բաղդասարյանը՝ օրինագիծը վերաբերում է ավտոներկրողներին:
Նրա խոսքով՝ այս տարի բյուջե չի ներմուծվելու 55 մլրդ դրամ. «Այս օրինագծով մենք փորձում ենք մեղմել այդ մուտքերը: Մենք առաջարկում ենք 3-5 տարեկան մեքենաների ներմուծման դեպքում կիրառել 5 տոկոս ԱԱՀ, իսկ 5-10 տարեկանների դեպքում՝ 10 տոկոս»:
Նախագիծը գլխադասային հանձնաժողովում բացասական եզրակացության է արժանացել: «Դա հակասում է Հայաստանի ստանձնած միջազգային պարտավորություններին»,- հիմնավորել էին նրանք:
Մանրամասները՝ տեսանյութում: