Իրանում ուսանողները երկրորդ օրն անընդմեջ դուրս են գալիս բողոքի ցույցերի՝ իրանցի զինվորականների կողմից հունվարի 8-ին սխալմամբ խոցված ուկրաինական Boeing-ի կործանման համար պատասխանատու անձանց պատժելու պահանջով: Twitter-ում տեսանյութեր են հրապարակվել, որոնք, ենթադրաբար, նկարահանվել են հունվարի 12-ին: Ակցիային մասնակցել են մի քանի տասնյակ մարդիկ:
Մասնավորապես, վերսկսվել են բողոքի ցույցերը Իրանի մայրաքաղաքում: Ցուցարարները հավաքվել են Շահիդ Բեհեշթիի անվան համալսարանի և Ալամե Տաբատաբայի անվան համալսարանի մոտ: Ուժայիններն արդեն հերթապահում են Թեհրանի փողոցներում, գրում են ականատեսները սոցցանցերում:
Ըստ նախնական տվյալների, բողոքի ցույցեր են ընթանում ևս մի քանի քաղաքներում, մասնավորապես՝ Սպահանում: Ըստ Reuters-ի, ցուցարարները վանկարկում են. «Նրանք (իշխանությունները) ստում են, որ մեր թշնամին Ամերիկան է, մեր թշնամին՝ այստեղ է»: Նրանք «ամոթալի» են անվանել Իրանի պետական հեռուստատեսության քարոզչությունը:
Ուսանողները վրդովված են նաև Իսլամական հեղափոխության պահապանների կորպուսի գործողություններից, որն, իշխանությունների աջակցությամբ, «հանցագործություններ է կատարում»:
Breaking: This morning, Jan. 22, Tehran's Melli (National) Univ. Students chanting: "Death to oppressor, be it the SHAH or the LEADER (Khamenei). #IranProtests @NCRIUS @iran_policy pic.twitter.com/18rsGwCTV6
— Ali Safavi (@amsafavi) January 12, 2020
Jan 12, Isfahan, central #Iran
Students of the Industrial University of Isfahan chant, "The IRGC commits crimes and the leader supports it". #IranProtests pic.twitter.com/4iynz6E5Xm— Iran News Wire (@IranNW) January 12, 2020
