ԱՄՆ նախագահ Դոնալդ Թրամփը հայտարարել է, որ կասկածում է, որ Թեհրանում ուկրաինական Boeing-ը կործանվել է տեխնիկական խնդիրների պատճառով, հաղորդում է CBS News-ը:
«Ես կասկածներ ունեմ այդ հարցում»,- հայտարարել է Թրամփը:
Նա տեղի ունեցածն անվանել է ողբերգություն և նշել, որ «ինչ-որ մեկը, մյուս կողմում, կարող էր սխալվել»:
Թեհրան-Կիև չվերթն իրականացնող Boeing 737 ինքնաթիռը կործանվել է Իմամ Խոմեյնիի անվան օդանավակայանում, հունվարի 8-ին: Օդանավում եղել է 176 մարդ, ներառյալ անձնակազմի ինը անդամները: Իրանական կողմը հայտարարել է, որ վթարի պատճառը, ըստ նախնական տվյալների, ինքնաթիռի անսարքությունն էր:
