ԱՄՆ-ում դատարանը ուրբաթ օրը վճիռ է կայացրել այն ամերիկացիների նկատմամբ, ովքեր ծրագրել էին հրդեհ կազմակերպել Չիկագոյում 2012թ. ՆԱՏՕ-ի գագաթնաժողովի ժամանակ: Ջարեդ Չեյսը ճաղերի հետևում կանցկացնի 8 տարի, Բրենթ Բեթերլին՝ 6, իսկ Ջեյկոբ Չերչը՝ 5: Այս մասին հաղորդում է ITAR-TASS-ը:
Նրանք բոլորը Չիկագո էին ժամանել ՆԱՏՕ-ի քաղաքականության դեմ բողոքի ակցիային մասնակցելու համար, սակայն գագաթնաժողովից մի քանի օր առաջ ձերբակալվել էին: Խուզարկության ժամանակ իրավապահները նրանց բնակարանում հայտնաբերել են «Մոլոտովի կոկտեյլներ», որոնք չարագործները մտադիր էին օգտագործել քաղաքի ոստիկանական տեղամասերի, նախագահ Բարաք Օբամայի նախընտրական շտաբի և Չիկագոյի քաղաքապետ Ռամ Էմանուելի տան վրա հարձակման ժամանակ:
