ՈւԵՖԱ-ի նախագահ Միշել Պլատինին իր ցավակցությունն է հայտնել՝ կապված «Բարսելոնա»-ի նախկին գլխավոր մարզիչ Տիտո Վիլանովայի մահվան հետ: Հիշեցնենք, որ Վիլանովան մահացել է 45 տարեկան հասակում:
«Ես խորը ցավ եմ ապրում՝ Վիլանովայի մահվան լուրը լսելուց հետ,- Պլատինիի խոսքերն է մեջբերում ՈւԵՖԱ-ի պաշտոնական կայքը: – Նա հիանալի մարդ էր և ֆանտաստիկ մարզիչ, որին միշտ կհիշեն «Բարսելոնա»-ում կատարած աշխատանքի համար: Ես իմ ցավակցությունն եմ հայտնում Տիտոյի ընտանիքին և «Բարսելոնա»-ին»:
Հիշեցնենք, որ կատալոնական ակումբի ղեկին Տիտո Վիլանովան դարձել էր Իսպանիայի Լա Լիգայի 2012/13թթ. առաջնության հաղթող, իսկ 2008-2012թթ. եղել էր Պեպ Գվարդիոլայի օգնականը` նրա հետ միասին «Բարսելոնա»-ի հետ նվաճելով հնարավոր և անհնարին բոլոր տիտղոսները:
