Անցած տարին ամփոփելու համար «Առաջին լրատվական»-ը հյուրընկալել է Գերագույն խորհրդի պատգամավոր Ազատ Արշակյանին և քաղաքագետ Արմեն Հովհաննիսյանին:
«Գերտերությունները օգտագործում են հեղափոխականների բանաձևը Ուկրաինային և Ռուսաստանին հաշտեցնելու համար՝ ուղղակի շուռ տված: Արցախի հարցի լուծման բանաձևը նոր շունչ է ստացել. սա է կարևոր: Այդ բանաձևը ճանաչվեց Մինսկի խմբում և օգտագործվում է արդեն այլ հարթակներում»,- նշեց Ազատ Արշակյանը և հավելեց, որ Պուտինը պետք է Նիկոլ Փաշինյանի համար սեղան գցի՝ ասելով շնորհակալություն բանաձևի համար:
«Այդ բանաձևի հեղինակային իրավունքը մերն է, և մենք այս տարի աշխարհին նվիրեցինք, որ ինքնորոշված ժողովրդի անվտանգության երաշխավորը մենք ենք, մնացածը ձեր գործն է՝ դուք որոշեք»,- ընդգծեց նա:
Արմեն Հովհաննիսյանն էլ հավելեց՝ քանի որ տարին հետհեղափոխական էր, ուստի այն և՛ ձեռքբերումների, և՛ որոշ չափով հիասթափությունների, սպասումների իրականացման կամ դրանց հետաձգման տարի էր. «Ես համոզված եմ՝ այն որակական տեսակը, որում Հայաստանը գոյություն ուներ 30 տարի, անշեղորեն փոխվել է»:
Հարցազրույցն ամբողջությամբ՝ տեսանյութում: