Ինչպես ավելի վաղ տեղեկացրել էինք, ԱԺ ոչ իշխանական ուժերի՝ քառյակի քննարկմանը մասնակցում էր նաև նորանշանակ վարչապետ Հովիկ Աբրահամյանը՝ փոխվարչապետ Արմեն Գևորգյանի և կառավարության աշխատակազմի ղեկավար Դավիթ Հարությունյանի հետ:
Նիստի կեսից վարչապետը դուրս եկավ և նշեց, որ որևէ հարցի չի ուզում պատասխանել՝ հավելելով, որ թող իրեն քննարկումների դաշտ չտանեն:
Նրա խոսքով՝ իրեն ներկայացրել են նախագիծ, և պատրաստվում է դա կառավարությունում քննարկել:
Վարչապետը խոստացավ լրագրողների հարցերին պատասխանել կառավարության ձևավորումից հետո: Նա ընդգծեց, որ նոր պաշտոնում զգում է իրավունք և պատասխանատվություն:
Հարցին, թե իր խոսքերի նկատմամբ ի՞նչ է զգում, Աբրահամյանն ասաց. «Ես իմ խոսքերին միշտ տեր եմ»:
Ի դեպ, նա քառյակի քննարկմանն էր եկել առանց ոչ իշխանական ուժերի հրավերի:
Քառյակի նիստն այս պահին շարունակվում է:
