Արցախի նախագահի խորհրդական Տիգրան Աբրահամյանն իր ֆեյսբուքյան էջում գրել է, որ Արցախում տարին եզրափակվում է 9.1 տոկոս տնտեսական աճով՝ ապահովելով շուրջ 341 մլրդ դրամ ՀՆԱ, որը 1 շնչի հաշվով կկազմի ավելի քան 4 828 ԱՄՆ դոլար: Նա նաև ընդգծել է, որ 2019թ․ հունվար-սեպտեմբերին Արցախում մեկ աշխատողի միջին ամսական անվանական աշխատավարձը նախորդ տարվա նույն ժամանակահատվածի համեմատ աճել է 8 տոկոսով: Տարեսկզբից շուրջ 15 տոկոսով բարձրացվել էր առողջապահության ոլորտի աշխատողների աշխատավարձը:
«Գալիք տարվա հունվարի 1-ից 10 տոկոսով կբարձրանա հանրակրթական ուսումնական հաստատություններում աշխատող ուսուցիչների աշխատավարձը, կենսաթոշակները կբարձրանան միջինում 10 տոկոսով»,- նշել է Աբրահամյանը՝ ավելացնելով, որ մշակող արդյունաբերությունը հունվար-նոյեմբեր ամիսներին նախորդ տարվա նույն ժամանակաշրջանի համեմատ աճել է 2.8 անգամ, իսկ էներգետիկան՝ 9 տոկոսով:
https://www.facebook.com/tigran.abrahamyan/posts/2727971403935027