Ցանցում տեսանյութ է հայտնվել Ալմաթիում Bek Air ավիաընկերության Fokker 100 մարդատար ինքնաթիռի կործանման վայրից: Կադրերում երևում է օդանավի անվնաս մնացած պոչամասը, մնացած մասերի բեկորները, ինչպես նաև մասնակիորեն ավերված այն շենքը, որին բախվել է հանրանավը: Bek Air ավիաընկերության Fokker-100 ինքնաթիռն ընկել է Ալմաթիի օդանավակայանից վերթիռից հետո:
Օդանավում եղել է 95 ուղևոր և անձնակազմի հինգ անդամ: Ընկնելիս ինքնաթիռը ճեղքել-անցել է բետոնե արգելապատնեշը և բախվել երկհարկանի շենքի: Աղետի վայրում առայժ գտել են 14 զոհվածի: Հիվանդանոցներ են տեղափոխվել 27 մեծահասակ և ութ երեխա: Ավիաաղետի վայրում փրկարար աշխատանքները շարունակվում են: Ավիաաղետից հետո Ղազախստանում դադարեցրել են Fokker-100-ի թռիչքները: Նաև, մինչև բոլոր հանգամանքների պարզումը, կասեցված է Bek Air ավիաընկերության աշխատանքը, հաղորդել Է ՌԻԱ Նովոստին:
https://www.youtube.com/watch?time_continue=7&v=uOndxhRE0IU&feature=emb_title
