Հնագետների խումբը հայտնաբերել է հատիչը, որով մեր թվարկությունից առաջ քարտաշները տաշել են Լացի պատի քարերը: Պեղումների ղեկավար Էլի Շուքրունի խոսքերով` այն գտել են դեռևս մեկ տարի առաջ, սակայն որոշել են հայտնել այդ մասին միայն մանրակրկիտ ուսումնասիրությունից հետո: Նա ընդգծել է, որ երկու հազար տարվա մեջ առաջին անգամ հնագետներին հաջողվել է նման մի գործիք գտնել` Լացի պատի հետ կապված: Այս մասին գրում է NEWSru.Israel-ը:
Շուքրունը նաև նշել է, որ դա և այլ գտածոներ կարող են ստիպել վերանայելու հուդդայականության գլխավոր սրբավայրի կառուցման տարեթիվը: Խոսքը մեր թվարկության 17-18-րդ դարերի դրամների մասին է, որոնք անցյալ տարի են հայտնաբերվել: Դա նշանակում է, որ հնարավոր է, ի հեճուկս տարածված կարծիքի, Լացի պատը կառուցվել է մեր թվարկությունից հետո:
