Այովա նահանգի բնակիչը 16 տարվա ազատազրկում է ստացել եկեղեցու մերձակայքում ԼԳԲՏ համայնքի դրոշը գողանալու և այրելու համար: Դատավճիռը կայացվել է դեկտեմբերի 18-ին։ Այս մասին հաջորդ օրը հայտնել է The Washington Examiner-ը:
Դեպքը տեղի է ունեցել Էյմսե քաղաքում: Հաղորդվում է, որ 30-ամյա Ադոլֆո Մարտինեզը մեղավոր է ճանաչվել ատելության հողի վրա հանցանք գործելու մեջ։ Նա պատռել է բողոքական եկեղեցու մուտքի վերևում կախված ծիածանագույն դրոշը, ձեռքին բռնած՝ փողոցով իջել ստրիպ ակումբ և այնտեղ վառել այն: Ըստ որոշ տեղեկությունների՝ նա նաև սպառնացել է հրդեհել ակումբը:
Հանցագործը լիովին ընդունել է մեղքը և հայտարարել, որ իր նպատակը ոչ ավանդական կողմնորոշմամբ մարդկանց նվաստացնելն է, ինչի խորհրդանիշն է այս դրոշը: «Պատիվ էր դա անելը: Դա օրհնություն էր Տիրոջից: Ես դատաստան եմ տեսել այնպես, ինչպես սահմանված է՝ վրեժխնդրություն և պատիժ հեթանոսներին», – ասել է նա:
