Նյու Դելիում վերջին 24 ժամվա ընթացքում շուրջ 1200 մարդ Է բերման ենթարկվել քաղաքացիության մասին օրենքի նոր խմբագրության ընդունման դեմ անցկացված բողոքների ընթացքում: Ինչպես դեկտեմբերի 20-ին հայտնել Է Times of India թերթը, ձերբակալվածներին տեղափոխել են «Սուրջամալ» եւ «Ռաջիվ Գանդի» մարզադաշտեր:
Հրատարակության տվյալների համաձայն՝ նրանց թվում են նաեւ ընդդիմության բազմաթիվ ղեկավարներ: Ոստիկանությունը փակել Է քաղաքի կենտրոնը, որտեղ նախօրյակին պլանավորված Էր բողոքի ամենախոշոր ակցիան, արգելված են բոլոր բազմամարդ հավաքներն ու միջոցառումները: Հնդկաստանի մայրաքաղաքում առաջին անգամ կիրառվել են ինտերնետի, բջջային կապի համատարած անջատումներ:
Չնայած ձեռնարկված միջոցներին, ոչ մեծ ցույցեր են տեղի ունեցել քաղաքի տարբեր շրջաններում, այդ թվում՝ Ռաջգհաթում, Դարյագանջում, Ջամիա Նագարում եւ Քաշմիրի-գեյթում: Դեկտեմբերի 20-ին քաղաքում անվտանգության խստացված միջոցներ են հայտարարված: Ոստիկանությունը հերթապահում Է խաչմերուկներում եւ հրապարակներում: Որոշ փողոցներում երթեւեկությունը փակված Է կամ սահմանափակված:
Ինչպես մամուլին հայտնել Է Նյու Դելիի ոստիկանության հասարակայնության հետ կապերի գծով ներկայացուցիչ Մանդիպ Սինգհ Ռանդհավան, լրացուցիչ մայրաքաղաք Է մտցվել 52 ոստիկանական ստորաբաժանում. այդ թվում՝ ահաբեկչության եւ զանգվածային անկարգությունների դեմ պայքարի հատուկ զորամասեր, հաղորդել Է ՏԱՍՍ-ը:
