Քաղաքապետարանը խոստանում է, որ այս տարի Ամանորը Երևանում հեքիաթային է լինելու. Սուրբ Ծննդյան տոնավաճառ, վերգետնյա անցում, որը տանելու է ուղիղ դեպի տոնածառ, ինչպես նաև Գորան Բրեգովիչի համերգը Հանրապետության հրապարակում:
Նախատոնական տրամադրությունների շուրջ «Առաջին լրատվական»-ի հետ զրույցում իր դիտարկումները ներկայացրեց երգիչ, երգահան, «Արձագանք» պրոդյուսերական կենտրոնի համահիմնադիր Եղիշե Պետրոսյանը: Անդրադառնալով դիտարկմանը, որ քննադատություններ են հնչում, թե արդյոք Բրեգովիչն է հենց այն աստղը, որը տուրիստական հոսքեր կապահովի Հայաստան, Ե. Պետրոսյանը նշեց, որ իրեն էլ է այդ հարցը հուզում՝ ինչո՞ւ հենց Բրեգովիչը պետք է ապահովեր մեր Նոր տարվա համերգը: «Ես այդպիսի ծախսերը տեղական ստեղծագործական խմբերին ուղղելու ջատագովն եմ»:
Եղիշե Պետրոսյանը նաև անդրադարձավ վարչապետի այն հայտարարությանը, որ հանձնարարել է Ամանորի վերաբերյալ նոր երգ ստեղծել, որը հնարավոր է համաշխարհային հիթ դառնա: «Ես խանդով էի վերաբերվում, որ ամանորյա տոներին գլոբալ երգերն ու երաժշտությունն ավելի պոպուլյար են, և ոչ թե հայկականը, և ես խնդիր էի դրել, որ Ամանորի համար նոր երգ գրվի… Պետք է նոր երգ գրելու ավանդույթը շարունակենք այնքան ժամանակ, որ այն դառնա այնքան պոպուլյար, որքան Jingle Bells-ի և Happy Birthday-ը»,- նշել է վարչապետը:
Եղիշե Պետրոյանն ընդգծեց. «Ես վարչապետին կհարցնեմ՝ արդյո՞ք նա տեղեկացված է և լսել է Նոր տարվա վերաբերյալ բոլոր այն երգերը, որոնք ստեղծվել են մեր երկրում: Շատ կան այդպիսի երգեր… Մենք հրաշալի երգեր ունենք ստեղծած, պարզապես պետք է տեր կանգնել…»:
Մանրամասն՝ տեսանյութում: