Նյու Յորքի իշխանությունները հաջորդ տարվանից հնարավորություն կտան մահվան վկայականներում նշել երրորդ սեռը՝ «X», նշված է քաղաքի առողջապահական դեպարտամենտի կայքում հրապարակված մամլո հաղորդագրության մեջ։
«X» սեռը գենդերային պատկանելություն է նշանակում, որը բացառապես իգական կամ արական չէ։
Անցած տարվա հոկտեմբերին Նյու Յորքի քաղաքապետ Բիլ դե Բլազիոն օրինագիծ ստորագրեց, որի համաձայն քաղաքի բնակիչները ծննդականներում անորոշ սեռ նշելու իրավունք ստացան։
«Առողջապահության դեպարտամենտը հայտարարել է, որ հաջորդ տարվանից սկսած մահվան վկայականները կտրվեն «X» սեռ նշելու հնարավորությամբ, այն բնակիչների համար, որոնք իրենց չեն նույնականացնում որպես տղամարդ կամ կին»,- նշվում է մամլո հաղորդագրության մեջ։