ԱՄՆ սենատը հավանություն է տվել 738 միլիարդի չափով պաշտպանական բյուջեին, որում ներառված են «Հյուսիսային հոսք-2» գազամուղի դեմ պատժամիջոցներն ու ռազմական օգնությունը Ուկրաինային։
Հիմա փաստաթուղթը պետք է ստորագրի երկրի նախագահ Դոնալդ Թրամփը։ Նա արդեն հայտարարել է, որ պատրաստ է այն անհապաղ ստորագրել։ Ռազմական բյուջեն միջոցներ է հատկացնում «Ռուսաստանին հակազդելու» համար տարբեր ոլորտներում․ պատժամիջոցներ ըննդեմ «Հյուսիսային հոսք 2-ի», ինչպես նաև 300 միլիոն դոլարի չափով օգնություն Ուկրաինային։
Ավելի վաղ Bild-ը, հղում անելով Գերմանիայի էկոնոմիկայի և էներգետիկայի նախարարության ներքին փաստաթղթին գրել էր, որ կառավարությունը պատրաստ է «կոնկրետ միջոցներով» արձագանքել «Հյուսիսային հոսք 2»-ի նկատմամբ ԱՄՆ հնարավոր պատժամիջոցներին։ Բեռլինը նաև կարծում է, որ «Հյուսիսային հոսք 2»-ը կարող են ավարտին հասցնել մեկ ամսվա ընթացքում, ինչը թույլ կտա խուսափել սահմանափակող միջոցներից։ Իր հերթին, Nord Stream 2 ընկերությունը հայտարարել է, որ նախատեսում է ավարտել շինարարությունը մի քանի ամսում։
