Ադրբեջանական Salam News գործակալության փոխանցմամբ՝ Ստամբուլում մեկնարկել է Լիբիայի համակարգող խորհրդի 4-րդ նիստը. վերջինս ստեղծվել է երկրում ճգնաժամը լուծելու նպատակով։
Այդ հանդիպմանը մասնակցում են Թուրքիայի արտգործնախարար Ահմեդ Դավութօղլուն, ԱՄԷ-ի շեյխ Աբդուլլահ բին Զայեդ Ալ-Նահյանը, ինչպես նաև ԱՄՆ պետքարտուղար Հիլարի Քլինթոնը։
Նիստը նախագահում է Թուրքիան, ակնկալվում է, որ նիստի ժամանակ Անկարան կներկայացնի ճգնաժամի հաղթահարման իր առաջարկները։
Թուրքական կողմի առաջարկած «Ճանապարհային քարտեզ»-ով ենթադրվում է Լիբիայում մտցնել հրադադարի ռեժիմ։ Ամերիկյան դիվանագետները հայտարարել են, որ լիբիական ընդդիմության հետ հարաբերությունների ընդլայնման մասին որոշում կընդունեն նիստում ներկայացված տարբեր ընդդիմադիր խմբերի պլանների հետ ծանոթանալուց հետո։
Հիշեցնենք, որ Թուրքիան Լիբիայից հետ է կանչել իր դեսպանին՝ փաստացիորեն խզելով հարաբերությունները Քադաֆիի ռեժիմի հետ։
