ԱՄՆ-ի Կոնգրեսի Սենատի և Ներկայացուցիչների պալատի անդամները հայտարարել են, որ համաձայնեցրել են երկրի 2020 թվականի պաշտպանական բյուջեն 738 մլրդ դոլարի չափով:
Բյուջեն ներառում է 300 մլն դոլարի չափով օգնություն Ուկրաինային: Միջոցները հատկացվելու են երկրի անվտանգության ոլորտում աջակցություն ցուցաբերելու համար:
Նախագիծը նաև պարտավորեցնում է Ուկրաինայի պաշտպանության նախարարությանը հաշվետու լինել Ռուսաստանին ուղղված զսպման միջոցառումների մասին: Ի դեպ, բյուջեում «Ռուսաստանի զսպմանը» լրացուցիչ հատկացված է 734 մլն դոլար:
Բացի այդ, նախագծի համաձայն, Վաշինգթոնին արգելված է Թուրքիային F-35 տեսակի ինքնաթիռ վաճառել՝ Անկարային C-400 ռուսական զենիթահրթիռային համակարգերի մատակարարման կապակցությամբ:
