Ռուսաստանի և Ուկրաինայի նախագահներ Վլադիմիր Պուտինի և Վլադիմիր Զելենսկիի առաջին երկկողմ հանդիպումը տեղի է ունենում Փարիզում, հաղորդում է «ՌԻԱ Նովոստին»:
Երկու երկրների առաջնորդների բանակցություններն ընթանում են «նորմանդական ձևաչափով» գագաթնաժողովից հետո: Լրատվամիջոցների ուշադրությունը սևեռված է հենց այս երկկողմ հանդիպման վրա: Սա առաջնորդների առաջին հանդիպումն է, նրանք ընդամենը մի քանի հեռախոսազրույց են ունեցել:
Ըստ արձանագրության հանդիպմանը 45 րոպե է հատկացված, սակայն, Ռուսաստանի նախագահի օգնական Յուրի Ուշակովի խոսքերով, զրույցը ժամանակային սահմանափակում չունի:
Հանդիպմանը մասնակցում են նաև էներգետիկայի նախարար Ալեքսանդր Նովակը և «Գազպրոմի» ղեկավար Ալեքսեյ Միլերը, նախագահի օգնականներ Վլադիսլավ Սուրկովը, Յուրի Ուշակովը, արտաքին գործերի նախարար Սերգեյ Լավրովը և նախագահի խոսնակ Դմիտրի Պեսկովը: