Ամբողջ աշխարհում տասնյակ հազարավոր մարդիկ կիրակի գիշերը անցկացրել են բացօթյա պայմաններում “The world’s big sleepout” ակցիայի շրջանակներում՝ անօթևանների համար նվիրատվություններ հավաքելու համար:
Ակցիան տեղի է ունեցել աշխարհի խոշորագույն քաղաքներում, հատկապես մարդկանց մեծ խմբերը գիշերել են տեսարժան վայրերում` Քարդիֆ դղյակի պատեր մոտն, Հոնկոնգում դիտման անիվի կամ Թայմս Սքվերի մոտ։
Ակցիային մասնակցում էին աշխարհի բոլոր մասերի առնվազն 50 քաղաքների բնակիչներ՝ Խարկովից մինչև Սանտյագո։
Ըստ կազմակերպիչների, փողոցում քնելու է գնացել շուրջ 60 հազար մարդ։
Ակցիային միացել են նաև հայտնիները։ Լոնդոնում ելույթ է ունեցել Travis խումբը, իսկ դերասանուհի Ջուդի Դենչը մարդկանց համար հեքիաթ է կարդացել քնելուց առաջ։ Նյու Յորքում ելույթ է ունեցել Ուիլ Սմիթը։
«Մեծ գիշեր»-ի նպատակն էր 50 միլիոն դոլար հավաքել անօթևանների կարիքների համար: Յուրաքանչյուր քաղաքում հավաքված գումարների կեսը ուղղվել է այս քաղաքում անօթևանների կարիքների համար, իսկ երկրորդ կեսը ուղղվել է ընդհանուր համաշխարհային հիմնադրամին, որը բաշխվելու է բոլոր երկրների բարեգործական կազմակերպությունների միջև: