Լուրեր
Բանակցությունները այս փուլում տապալված են, ամենակարևորը՝ խաղաղ լուծման ճանապարհ չունենք
  • 22:00
  • 2019-12-05
  • Դիտումներ՝ *

ԵԱՀԿ 26-րդ նախարարական խորհրդաժողովի շրջանակներում երեկ` դեկտեմբերի 4-ին Բրատիսլավայում տեղի է ունեցել Հայաստանի արտգործնախարար Զոհրաբ Մնացականյանի և Ադրբեջանի արտգործնախարար Էլմար Մամեդյարովի հանդիպումը՝

ԵԱՀԿ 26-րդ նախարարական խորհրդաժողովի շրջանակներում տեղի է ունեցել նաև ՀՀ արտգործնախարար Զոհրաբ Մնացականյանի հանդիպումը ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ) և ԵԱՀԿ գործող նախագահի անձնական ներկայացուցիչ Անջեյ Կասպշիկի հետ։

Թեմայի շուրջ «Առաջին լրատվական»-ը զրուցել է միջազգայնագետ Սուրեն Սարգսյանի և քաղաքագետ Նարեկ Մինասյանի հետ:

«Այս հանդիպումից ակնկալիքները մեծ չէին,- նշեց Նարեկ Մինասյանը,- ամփոփելով առկա հայտարարությունները՝ կարող ենք ասել, որ հանդիպման շրջանակներում քննարկման առարկա է եղել լրագրողների փոխայցելությունը, քննարկվել է, թե հումանիտար ոլորտում ինչ այլ նախաձեռնություններ կարող են լինել, անդրադարձ է եղել նաև հրադադարի ռեժիմի ամրապնդման մեխանիզմներին: Հայկական կողմը հայտարարում է, որ բովանդակային քննարկումների համար անհրաժեշտ է Արցախյան կողմի ներգրավումը»:

«Ակնհայտ է, որ Արցախի խնդիրը բանակցային, խաղաղ լուծում կարող է ունենալ ընդամենը երկու պարագայում՝ առաջին՝ երբ Հայաստանը կհրաժարվի Արցախից, և երկրորդ՝ երբ Ադրբեջանը կհրաժարվի Արցախից: Երկուսն էլ չեն հրաժարվելու, այս խնդիրը խաղաղ լուծում չունի…»,- ընդգծեց Սուրեն Սարգսյանը:

Նա նաև հավելեց, որ հանրային դաշտում քննարկվում է տարբերակ, որ Արցախը կարող է կոչվել Լեռնային Ղարաբաղի և Ադրբեջանի Հանրապետություն: «Սա ակնհայտ փորձ է՝ Արցախը վերցնել Ադրբեջանի ենթակայության տակ՝այնտեղից վտարելով հայերին: Այս փուլում բանակցությունները կարող ենք համարել տապալված, քանի որ ամենակարևորը՝ խաղաղ լուծման հնարավոր տարբերակ չունենք»,- ընդգծեց միջազգայնագետը:

Մանրամասն՝ տեսանյութում:

  • Դիտումներ՝ *