Այսօր՝ դեկտեմբերի 3-ին, Ազգային ժողովում հայտարարությունների ժամին պատգամավոր Արման Բաբաջանյանը հայտարարեց. «Հեղափոխությունն ամեն օր բախվում է սպառնալիքների ու մարտահրավերների»:
Նրա խոսքով՝ կենսական անհրաժեշտություն է որևէ ձևաչափով իշխանությանն այնպիսի այլընտրանքի ստեղծումը, որը աղերս չի ունենա հանցավոր անցյալի հետ ու միաժամանակ հավատարիմ կլինի թավշյա հեղափոխության հիմքում դրված արժեքներին ու գաղափարներին. «Օրեր առաջ հանդես եկա մեր երկրում հիմնարար փոփոխություններին հավատացող քաղաքական ուժերի և անհատների համախմբման կոչով: Ուրախությամբ պետք է արձանագրեմ, որ ստացել եմ բազմաթիվ դրական արձագանքներ»:
Արման Բաբաջանյանը կրկին կոչ արեց ոչ իշխանական բոլոր արժանապատիվ քաղաքական ուժերին ու անհատներին դեկտեմբերի 14-ին, ժամը 12-ին «Մարիոթ Արմենիա» հյուրանոցի «Տիգրան Մեծ» սրահում միասնաբար որոշել հետագա անելիքները. «Մեզ բոլորիս միավորում է նոր Հայաստանի հզորացման, այդպիսի պետություն կերտելու հնարավորություն տված հեղափոխության անշրջելիության գաղափարը»:
Մանրամասները՝ տեսանյութում:
