Մադոննան Madame X հյուրախաղային շրջագայության երեք համերգ է չեղարկել «սաստիկ ցավի» պատճառով: Այդ մասին փոփ-դիվան հայտնել է իր Instagram-ում՝ տեղեկացնում է RIA Novosti-ն:
Նա չի ճշտել, թե հատկապես ինչ ցավ է զգում և ինչի պատճառով:
«Խնդրում եմ, ներեցեք ինձ իրադարձությունների նման շրջադարձի համար: Իմ ելույթներն այնքան մեծ բավականություն են պատճառում ինձ, որ դրանց չեղարկումը ես ընդունում են որպես պատիժ, բայց ցավը, որը ես զգում եմ, այնքան ուժեղ է, որ ինձ հարկավոր է հանգստանալ և անսալ բժիշկների խորհուրդներին, որպեսզի կարողանամ շարք վերադառնալ էլ ավելի ուժեղ ու առույգ և շարունակել Madame X-ի իմ համերգները»,- գրել է երգչուհին:
Մադոննայի պաշտոնական կայքը հայտատել է, որ Բոստոնում չեղարկված համերգները (նոյեմբերի 30-ին, դեկտեմբերի 1-ին և 2-ին) չեն հետաձգվելու հագեցած հյուրախաղային գրաֆիկի պատճառով: Տոմսերի համար վճարված փողերը կվերադարձվեն հանդիսականներին:
