Այն տեղեկությունները, թե ռուսական «ORSIS» (Պրոմտեխնոլոգիա) ընկերությունը, իբրև, պահանջել է ՀՀ ՊՆ-ից մենաշնորհ զենքի շուկայում՝ փոխարենը փամփուշտների գործարան կառուցելու դիմաց, չեն համապատասխանում իրականությանը՝ հայտնել է ORSIS-ի գործադիր տնօրեն Վլադիմիր Զլոբինը RIA Novosti-ին տված հարցազրույցում:
Ավելի վաղ, մի շարք հայկական ԶԼՄ-ներ հրապարակել էին տեղեկություններ, ըստ որի` ORSIS-ն առաջարկել է կառուցել սեփական փամփուշտների արտադրության գործարան` Հայաստանում ռուսական ներդրումների համար: Դրա համար ռուսական ընկերությունը, իբրև, պահանջել է 10 տարվա մենաշնորհ ՀՀ ՊՆ-ից և մերժվել է։
«Վերջերս մենք բախվել ենք սպեկուլյացիաների հայկական ԶԼՄ-ներում այն հարցով, թե, իբրև, ներդրումների դիմաց մենք պահանջել ենք մենաշնորհային դիրք զբաղեցնել սպառազինությունների տեղական շուկայում: Դա միանգամայն անխոհեմ է, հայկական կողմի հետ մեր բոլոր հանդիպումները արձանագրված են, մենք երբեք չենք պահանջել մենաշնորհ»,- ասել է Զլոբինը:
