Մահացել է ամերիկացի հայտնի բաս-կիթառահար, լեգենդար The Doors խմբի անդամ Դագ Լուբանը: Այս մասին հաղորդել է նրա կինը՝ Պեթ Դեվենին:
«Բառերով չեն կարող արտահայտել իմ ափսոսանքը: Նա իմ ամբողջ կյանքի սերն էր: Ամենից շատ ես կկարոտեմ նրա ծիծաղը»,- գրել է Դեվենին Facebook-ում: 71-ամյա Լուբանի մահվան պատճառը դեռևս չի հաղորդվում:
The Doors-ի Twitter-ի պաշտոնական էջում նույնպես հայտնել են բաս-կիթառահարի մահվան մասին. «Դագը ընդմիշտ կմնա ռոքնռոլի և հատկապես The Doors-ի պատմության մեջ իր ունեցած մեծ ներդրման շնորհիվ»:
Ամերիկյան The Doors խումբը գոյություն է ունեցել 1965-1973 թվականներին: Դագ Լուբանը մասնակցել է կուլտային խմբի երեք ամենատարածված սկավառակների ձայնագրմանը. Strange Days ալբոմը (1967), Waiting for the Sun (1968) և The Soft Parade (1969):
