Հոլիվուդյան դերասան Ռոբերտ դե Նիրոն կրկին քննադատել է ԱՄՆ նախագահ Դոնալդ Թրամփին՝ նրան «ֆեյք նախագահ» անվանելով:
Սթիվեն Քոլբերթի հետ շոուի ժամանակ 76-ամյա դերասանը նշել է, որ երկիրը «շատ լուրջ վիճակում է գտնվում»: «Սա լուրջ վիճակ է, որը նման է խնդիրներ ունեցող ընտանիքի կյանքին: Դուք չգիտեք, թե հետո ինչ տեղի կունենա»,- ասել է նա: Դե Նիրոն Թրամփին «ֆեյք նախագահ» է անվանել, որից հետո բուռն ծափահարություններ են հնչել:
«Նա ամեն ինչ «ֆեյք» է անվանում, քանի որ գիտի, որ հենց ինքն է ֆեյքը»,- հավելել է նա՝ աջակցելով դեմոկրատ Մայքլ Բլումբերգին: «Այո, ես նրանք գիտեմ: Ինձ դուր է գալիս Բլումբերգը, նա հասուն մարդ է: Նա քաղաքը ղեկավարել է արդեն 12 տարի: Նա լավ գործեր է արել եւ փորձում է ճիշտ գործեր անել»,- նշել է դերասանը:
