Ֆրանսիայի նախագահ Էմանուել Մակրոնն ու Գերմանիայի կանցլեր Անգելա Մերկելը փոխադարձ դժգոհություններ են ներկայացրել միմյանց՝ Բեռլինյան պատի քանդման 30 ամյակին նվիրված հանդիսավոր ընդունելության ժամանակ: Այս մասին գրում է The New York Times պարբերականը:
«Ես հասկանում եմ քայքայիչ քաղաքականության նկատմամբ ձեր ձգտումը: Բայց ես հոգնել եմ բեկորները հավաքելուց: Ամեն անգամ ես ստիպված եմ լինում սոսնձել ձեր կոտրած բաժակները, որպեսզի մենք կարողանանք նստել և միասին թեյ խմել», ասել է Մերկելը:
Մակրոնն իր հերթին պատասխանել է նրան, որ չի կարող գալ Լոնդոնում ՆԱՏՕ-ի գագաթնաժողովին և ձևացնել, որ ոչինչ տեղի չի ունենում: Խոսքն առաջին հերթին Սիրիայում Թուրքիայի և ԱՄՆ-ի գործողությունների նկատմամբ նրա դիրքորոշմանն էր վերաբերում:
Ավելի վաղ հաղորդվել էր, որ Ֆրանսիայի նախագահը հայտարարել էր ՆԱՏՕ-ի «ուղեղի մահվան» մասին: Նրա հետ չէին համաձայնել այլ քաղաքական գործիչներ, մասնավորապես Մերկելն ու Սթոլթենբերգը, որոնք քննադատել էին Մակրոնի հայտարարությունը:
