ԱՄՆ գիտնականներն առաջին անգամ մեր գալակտիկայում հայտնաբերել են Երկրին նման մոլորակ, որը պիտանի է կենսաբանական կյանքի համար: Այս մասին գրում է ITAR-TASS-ը՝ վկայակոչելով ՆԱՍԱ-ին:
Մոլորակը հայտնաբերվել է Kepler աստղադիտակի օգնությամբ և ստացել Kepler-186f պայմանական անվանումը:
ՆԱՍԱ-ի աստղաֆիզիկական բաժնի պետ Փոլ Հերցն ասել է, որ նոր մոլորակը տեղակայված է, այսպես ասած, բնակելի գոտում, այսինքն՝ իր աստղից այնպիսի հեռավորության վրա, որը թույլ է տալիս իր մակերեսին պահել չափավոր ջերմաստիճան՝ անհրաժեշտ հեղուկ վիճակով ջրի գոյության համար:
Kepler-186f-ը գտնվում է Կարապի համաստեղությունում, Երկրից մոտ 500 լուսնային տարի հեռավորության վրա: Այն պտտվում է կարմիր գաճաճ ուղեծրում, որը մոտ երկու անգամ զիջում է արեգակի չափերին: Պտույտի մեկ շրջանը հավասար է 130 օրվա: Մոլորակի բաղադրիչ տարրերի, ծավալի, ինչպես նաև մակերեսի և մթնոլորտի մասին ոչինչ հայտնի չէ:
