«Հարավային հոսք» գազատարը չպետք է կառուցվի, և պետք է մատչելի լինեն մատակարարման ուրիշ աղբյուրներ։ Այս մասին է ասվում Եվրախորհրդարանի բանաձևում, որն այսօր ընդունվել է խորհրդարանի նիստում։
Միաժամանակ, եվրախորհրդարանականները համոզված են, որ ԵՄ օգնությունը Ուկրաինային գազի երաշխավորման ապահովման, էներգապաշարների օգտագործման արդյունավետության բարձրացման հարցում և արդյունավետ փոխադարձ կապերը ԵՄ-ի հետ կապահովեն Ուկրաինային քաղաքական ու տնտեսական ճնշումից, և կոչ է անում Եվրահանձնաժողովին ու Եվրոպայի Խորհրդին օգնություն ցույց տալ Ուկրաինային Ռուսաստանի հետ գազային կոնֆլիկտի լուծման գործում, հաղորդում է ՌԲԿ-Ուկրաինան։
Եվրախորհրդարանն ընդգծում է համատեղ էներգետիկ անվտանգության քաղաքականության անհրաժեշտությունը՝ ԵՄ կախվածությունը ռուսական նավթից ու գազից նվազեցնելու համար, այդ թվում՝ էներգակիրների մատակարարման աղբյուրների դիվերսիֆիկացմամբ, Երրորդ էներգետիկ փաթեթի ամբողջական իրականացմամբ և անհրաժեշտության դեպքում գազի ներմուծման կասեցման հնարավորությամբ։
