«Հազարավոր մարդիկ էլ քննվեն, 850-ից ավելն էլ քննվեին, ես Ռոբերտ Քոչարյանի մեղադրանքի հիմքում որոշակի ապացույցների առկայությունը բավարար եմ համարում արձանագրելու, որ տեղի է ունեցել արարք, որն իր մեջ ունեցել է հանցանքի հատկանիշներ և Ռոբերտ Քոչարյանի մեղադրանքը ոչ թե հիմնավորվել է միայն վկաների ցուցմունքներով, ինչն այսօր շահարկվում է, այլ Ռոբերտ Քոչարյանի արարքը հիմնավորվել է այն հրամաններով, հրահանգներով, որոնք կան գործի մեջ»,-դատարանում հայտնելով իր դիրքորոշումը Քոչարյանի պաշտպան Հովհաննես Խուդոյանի կողմից դատախազ Պետրոս Պետրոսյանին բացարկի միջնորդություն ներկայացնելու վերաբերյալ՝ ասաց տուժողի ներկայացուցիչ Սեդա Սաֆարյանը։
Նա նշեց, որ դրանց հրապարակելու հարկը չկա, քանի որ դեռ առիթ կունենան հրապարակելու։
Այնուհետև նա ասաց, որ պաշտպանության կողմը չի զարմանում, որովհետև նրանցից շատերը Մարտի 1-ի գործով ունեցել են լուրջ սկզբունքներ՝ չմասնակցելու և հիմա պատահական չի, որ որոշ մարդկանց պաշտպանության թևում նրանց տեսնելով՝ խորհելու բաներ ունեն, թե ինչ է կատարվել 2008 թվականին հենց փաստաբանների պալատում, երբ ընդամենը մի քանի փաստաբան են ակտիվ մասնակցություն ունեցել։