ՀՀ ԶՈՒ ԳՇ պետի հրամանով ստեղծված հանձնաժողովը ՀՀ ԶՈՒ թիկունքի պետ-վարչության պետ, գնդապետ Ռոմիկ Մարգարյանի գլխավորությամբ կազմակերպել և անցկացրել է բաց հանդիպում-քննարկում ԶՈՒ կարիքների համար ձեռք բերվող զինվորական ճտքավոր կոշիկների հարմարավետության և որակի բարձրացման վերաբերյալ:
Հանդիպմանը մասնակցել են Հայաստանում կոշիկի արտադրությամբ զբաղվող և անհրաժեշտ նյութեր արտադրող, ինչպես նաև ներմուծող կազմակերպությունների ներկայացուցիչներ, զորամիավորումների և պաշտպանական գերատեսչության շահագրգիռ վարչությունների ներկայացուցիչներ:
Քննարկվել են զինված ուժերի կարիքների համար ձեռք բերվող ճտքավոր կոշիկների տեսականին, դրանց կրման ժամկետները և տեխնիկական բնութագրերը: Կազմակերպությունների ներկայացուցիչներին առաջարկվել է մշակել, արտադրել և զորային փորձարկման համար ներկայացնել կոշիկների նմուշներ՝ դրանց որակական հատկանիշների և հարմարավետության ստուգման, ինչպես նաև հետագա համագործակցության նպատակահարմարության քննարկման համար:
