Tuesday, 19 01 2021
Tuesday, 19 01 2021
01:00
Թուրքիայում ամուսինն այլանդակել է իր ուկրաինուհի կնոջը, որը ցանկացել է բաժանվել նրանից
00:45
Սահարայի անապատում ձյուն է տեղացել
Հրապարակվել են Հայաստանի քաղաքացիների համար Ռուսաստան մուտքի կանոնները
Հայաստանի և Ռուսաստանի սահմանադրական դատարանների նախագահները հեռախոսազրույց են ունեցել
00:06
Ամեն շաբաթ 100. 000 մահ
5-րդ զորամիավորումում ամփոփվել են 2020-ի ընթացքում իրականացված աշխատանքները․ ՊՆ
00:00
92-ամյա Ժան-Մարի Լե Պենը պսակադրվել է իր կնոջ հետ
Հայաստանն այն քիչ երկրներից է, որտեղ առկա ուսուցումը հիմնական ծավալով վերականգնված է․ Ժաննա Անդրեասյան
Քաշաթաղից դուրս եկած որոշ ընտանիքներ սկսել են Արցախ վերադառնալ. նրանց կեցության հարցը լուծվում է. Արցախի նախագահի գլխավոր խորհրդական
Մարտակերտցիները փակել են ադրբեջանական շարասյան ճանապարհը և պահանջներ դրել ռուս խաղաղապահների առջև
23:45
Բելառուսին զրկել են հոկեյի աշխարհի առաջնությունն անցկացնելու իրավունքից
Տարհանված շրջանների բնակիչների կենսաթոշակները կվճարվեն ՀՀ-ում և ԱՀ-ում
23:20
Ռուսաստանը չէ, որ պետք է որոշի՝ Վրաստանը և Ուկրաինան կլինեն ՆԱՏՕ-ի կազմում, թե՞ ոչ. Սթոլթենբերգ
Թուրքիայում մարտական ԱԹՍ-ները համակցել են զրահամեքենայի հետ
Թուրքերին խիստ զայրացրել է Համայն Հունաց Արքեպիսկոպոսի հայտարարությունը
Գործ ունենք Ալիևի նման անհավասարակշիռ, Էրդողանի նման ամբիցիոզ մարդկանց հետ. զորավարժությունները Հայաստանի համար կարող են վտանգավոր լինել
Վերսկսվել են Ուֆայից Երևան ուղիղ չվերթները
Ջերմուկ քաղաքից 10 կմ արևմուտք երկրաշարժ է տեղի ունեցել
22:40
Քուվեյթի Էմիրն ընդունեց կառավարության հրաժարականը. Al Arabiya
ՆԱՏՕ-ի գլխավոր քարտուղարը հորդորել է ազատել Նավալնիին
Լավրովը մեկնաբանել է Ռուսաստանի և Չինաստանի զորավարժությունները
Անգլիական նավերն ու հայկական լեռները․ «ԿԱՄԵՐՏՈՆ»
Ալեքսեյ Նավալնին ձերբակալվել է 30 օրով
Արտահերթ ընտրությունների գնդակը մեր դաշտում չէ. Սուրեն Պապիկյան
21:50
Բրազիլիայում հավանություն են տվել COVID-19-ի դեմ բրիտանական և չինական պատվաստանյութերին
Արա Այվազյանն ու Լավրովը հեռախոսազրույց են ունեցել
Հայաստանում նախատեսվում է հեշտացնել անվան փոփոխության ընթացակարգը
Ավինյանի գրասենյակը պարզաբանել է գերիների թվական տվյալները չհրապարակելը
21:20
ԵՄ-ն կկատարի պարտավորությունները ԵՄ-ՄԹ համաձայնագրի կիրարկման պայմաններում. պարզաբանում
Երևան, Գյումրի, Վանաձոր քաղաքներում նպաստների և կենսաթոշակների վճարման գործընթացում տեղի է ունեցել փոփոխություն

Դիրքի ավագը լեյտենանտի ինքնաձիգը լիցքաթափել է և դիմահար կրակոցով սպանել է ծառայակցին. Վերաքննիչը խստացրեց պատիժը

Վերաքննիչ քրեական դատարանը Լ. Աբգարյան, Ռ. Մխիթարյան, Ա. Դանիելյան կազմով ավարտեց Գարեն Հովհաննիսյանի գործով բերված վերաքննիչ բողոքների քննությունը:

Գործը քննվել է Սյունիքի մարզի ընդհանուր իրավասության դատարանում Դավիթ Սարգսյանի նախագահությամբ:

1997 թվականին ծնված Գարեն Հովհաննիսյանին մեղադրանք էր առաջադրվել ՀՀ քրեական օրենսգրքի 373 հոդվածի 3-րդ մասով այն բանի համար, որ նա, լինելով պարտադիր ժամկետային զինծառայող, ջոկի հրամանատար, կոչումով՝ կրտսեր սերժանտ, նշանակված է եղել մարտական հերթապահության: Հրամանով նա նշանակված է եղել դիրքի ավագ:

2017 թվականի հունվարի 16-ին, ժամը 23-ն անց 30-ի սահմաններում Գարեն Հովհաննիսյանը լեյտենանտ Պողոսյանի հետ իրենց դիրքից գնացել է հարևան դիրք՝ ջուր ու փոցխ բերելու նպատակով: Վերադառնալով իրենց դիրք՝ լեյտենանտ Պողոսյանն իր ինքնաձիգը տվել է դիրքի առույգ հերթափոխում գտնվող շարքային Վլադիմիրին ու կարգադրել է, որ նա կազմակերպի ինքնաձիգի ստուգիչ լիցքաթափման գործընթացը, իսկ ինքը՝ լեյտենանտը, գնացել է զուգարան:

Ներկա գտնվող դիրքի ավագը՝ Գարեն Հովհաննիսյանը, «որպեսզի առույգ հերթափոխ անցկացնող Վլադիմիրը ծառայությունից չշեղվի», վերցրել է լեյտենանտի ինքնաձիգը, գնացել է դիրքի գետնատնակ ու այնտեղ անձամբ ինքնաձիգի ստուգիչ լիցքաթափում է կատարել:

Այդ ժամանակ, ըստ մեղադրանքի, դիրքի կացարանում էին մի խումբ զինծառայողներ՝ քնած վիճակում, իսկ հեռախոսի մոտ կանգնած էր կապավոր, շարքային Գուրգեն Ս.-ն:

Մտնելով կացարան՝ Գարեն Հովհաննիսյանը, ըստ մեղադրանքի, սկսել է ինքնաձիգի ստուգիչ լիցքաթափման գործընթացը, որի ժամանակ խախտելով զենքի հետ վարվելու կանոնները՝ «մոռացության պատճառով» փամփուշտներով լիցքավորված պահեստատուփը ինքնաձիգից չի անջատել, այդ վիճակում քաշել է ինքնաձիգի փակաղակը, ինչի հետևանքով ինքնաձիգը լիցքաթափվելու փոխարեն լիցքավորվել է: Իսկ երբ Գարեն Հովհաննիսյանը ստուգիչ կրակոց կատարելու նպատակով սեղմել է ձգանը, արդյունքում արձակված կրակոցից կապավոր Գուրգեն Ս.-ն գլխի հրազենային միջանցիկ վիրավորում է ստացել, ծայրահեղ ծանր վիճակում տեղափոխվել է հոսպիտալ, 2017 թվականի հունվարի 24-ին տեղափոխվել է կենտրոնական հոսպիտալ, որտեղ 2017 թվականի մարտի 1-ին առանց գիտակցության գալու մահացել է:

Առաջադրված մեղադրանքում Գարեն Հովհաննիսյանը նախաքննության ու դատաքննության ընթացքում իրեն մեղավոր է ճանաչել, դատարանում հրաժարվել է ցուցմունքներ տալուց:

Նախաքննական ցուցմունքում նա հայտնել է, թե ծառայության ընթացքում ինքն ու Գուրգեն Ս.-ն խնդիրներ, վիճաբանություն չեն ունեցել: Ինքը ծանոթ է զենքի օգտագործման կանոններին, գիտեր, որ կացարանում զենքի լիցքաթափում չպետք է կատարեր: Հատուկ վահանակի մոտ չի գնացել, քանի որ այն հեռու էր, իսկ որ պահեստատուփը զենքի վրա է՝ մոռացել էր, քանի որ հոգնած էր: Լիցքաթափում կատարելու ժամանակ նաև ուշադրություն չի դարձրել, թե ինքնաձիգը Գուրգեն Ս.-ի համեմատ ինչ ուղղությամբ էր գտնվում, ինքը վստահ էր, որ կրակոց չի լինելու…

Կրակոցից հետո ինքնաձիգը շպրտել է հատակին…

Ինքը Գուրգեն Ս.-ին սպանելու կամ նրա առողջությանը վնաս պատճառելու նպատակ երբևէ չի ունեցել: Ընդունում է, որ Գուրգեն Ս.-ին հրազենային վնասվածք է պատճառել զենքի հետ վարվելու կանոնները անզգուշությամբ խախտելու պատճառով:

Զենքի լիցքաթափումը կացարանում կատարել է իր նախաձեռնությամբ, լեյտենանտ Պողոսյանը տեղյակ չի եղել…

Դատարանը Գարեն Հովհաննիսյանին մեղավոր է ճանաչել զենքի հետ վարվելու կանոնները անզգուշությամբ խախտելու համար՝ ՀՀ քրեական օրենսգրքի 373 հոդվածի 3-րդ մասով, և դատապարտել է 5 տարի 6 ամիս ազատազրկման: Պատժի սկիզբը՝ 2017 թվականի հունվարի 17-ից:

Այս դատավճռի դեմ վերաքննիչ բողոքներ էին բերել ամբաստանյալի շահերի պաշտպան, փաստաբան Վազգեն Իշխանյանը, տուժողի իրավահաջորդ Հարություն Ս.-ն, տուժողի իրավահաջորդի ներկայացուցիչ, փաստաբան Լիպարիտ Սիմոնյանը:

Ամբաստանյալի շահերի պաշտպան Վ. Իշխանյանը պահանջել էր պատժի մեղմացման առումով փոփոխել դատավճիռը, պատիժը պայմանականորեն չկիրառել ու սահմանել փորձաշրջան կամ նշանակել մեղսագրված հոդվածով նախատեսվածից ավելի մեղմ պատիժ:

Վերաքննիչ քրեական դատարանում պաշտպանը խնդրեց նաև իր պաշտպանյալի նկատմամբ կիրառել Համաներման ակտի համապատասխան դրույթը և նրան ազատ արձակել դատարանի դահլիճում:

Տուժողի իրավահաջորդի ներկայացրած ու դատարանի կողմից չբավարարված՝ 900 հազար դրամ քաղհայցի պահանջը պաշտպանի կարծիքով՝ անհիմն է, տուժողի ընտանիքին պաշտպանական գերատեսչության կողմից կատարվել է համապատասխան հատուցում…

Տուժողի իրավահաջորդն ու նրա ներկայացուցիչը պահանջել էին գործը քննել վերաքննության կարգով, դատարան հրավիրել ու հարցաքննել մի քանի վկաների, դատավճիռը բեկանել, գործն ուղարկել նույն ստորադաս դատարան՝ այլ կազմով նոր քննության կամ, չուղարկելու դեպքում, պատժի խստացման առումով փոփոխել դատավճիռը և պարտադիր փաստել, որ խախտվել է Մարդու իրավունքների հռչակագրով սահմանված՝ կյանքի իրավունքը:

Ընդհանուր իրավասության դատարանում, ըստ տուժողի իրավահաջորդի ներկայացուցիչ, փաստաբան Լ. Սիմոնյանի, ի հայտ է եկել, որ նախաքննության ժամանակ նույնիսկ «վկաների կոլեկտիվ հարցաքննություններ» են եղել, մինչև անգամ կարևորություն չի տրվել՝ ով ում ցուցմունքի տակ է ստորագրում, տեղի են ունեցել վրիպումներ ու լուրջ խախտումներ…

Վերաքննիչ դատարանը բողոքների քննությունը սկսել էր վճռաբեկության կարգով, ապա անցել էր վերաքննության կարգի: Մեղադրող դատախազի կարծիքով՝ Սյունիքի մարզի ընդհանուր իրավասության դատարանը դատական սխալ թույլ չէր տվել, կայացրել էր հիմնավոր, օրինական ու պատճառաբանված դատական ակտ, որը բեկանելու կամ փոփոխելու հիմքեր չկան, այնպես որ, ըստ մեղադրողի, անհիմն էին ինչպես պաշտպանական կողմի, այնպես էլ տուժող կողմի վերաքննիչ բողոքները:

Ինչ վերաբերում է պաշտպանի կողմից վերաքննիչ դատարանում առաջ քաշած պահանջին՝ Գ. Հովհաննիսյանի նկատմամբ Համաներման ակտի համապատասխան դրույթը կիրառելու և դատարանի դահլիճից նրան ազատ արձակելու վերաբերյալ, մեղադրողն ասաց. «Եթե Համաներումը կիրառելի է, չեմ առարկում, որ կիրառվի»:

Ամբաստանյալ Գարեն Հովհաննիսյանը միայն ասաց. «Չեմ ցանկացել տենց բան անել»:

Դատարանը մեկ անգամ հեռացել էր խորհրդակցական սենյակ, սակայն վերադառնալով՝ դատաքննությունը վերսկսել էր, որպեսզի ոստիկանությունից տեղեկանք պահանջի Գարեն Հովհաննիսյանի դատվածությունների, Համաներման այլ ակտերի կիրառման վերաբերյալ:

Տեղեկանքի ստացումից հետո, երբ պարզվեց, որ Գարեն Հովհաննիսյանը նախկինում դատված չի եղել, նրա նկատմամբ երբևէ որևէ Համաներման ակտ չի կիրառվել, վերաքննիչ դատարանը նորից հեռացավ խորհրդակցական սենյակ:

Այս անգամ արդեն դատարանը վերջնական որոշում կայացրեց:

Պաշտպանի վերաքննիչ բողոքը մերժվեց:

Տուժողի իրավահաջորդի և տուժողի իրավահաջորդի ներկայացուցչի վերաքննիչ բողոքը բավարարվեց մասնակիորեն:

Ընդհանուր իրավասության դատարանի դատավճիռը պատժի մասով՝ խստացման առումով, փոփոխվեց:

Գարեն Հովհաննիսյանը մեղավոր ճանաչվեց ՀՀ քրեական օրենսգրքի 373 հոդվածի 3-րդ մասով ու դատապարտվեց 6 տարի 6 ամիս ազատազրկման: Նման պատժաչափի դեպքում Համաներման ակտի կիրառում ու պատժից ազատում լինել չի կարող:

Հեղինակներ
ՆՎԵՐ ՄՆԱՑԱԿԱՆՅԱՆ
ՆՎԵՐ ՄՆԱՑԱԿԱՆՅԱՆ
ԳՈՀԱՐ ՀԱՅՐԱՊԵՏՅԱՆ
ԳՈՀԱՐ ՀԱՅՐԱՊԵՏՅԱՆ
Արթուր Աղաբեկյան
Արթուր Աղաբեկյան
Ժիրայր Ոսկանյան
Ժիրայր Ոսկանյան
Բաժիններ
Ուղիղ
Լրահոս
Որոնում