Ավտոմաքսատունը Գյումրի տեղափոխելն այդպես էլ չլուծեց ավտոներկրողների խնդիրը։ Այս օրերին մենք պարբերաբար ավտոներկրողներից բողոքներ ենք ստանում, որ կատաստրոֆիկ հերթեր են գոյացել Գյումրիի ավտոմաքսատան տարածքում։ «Այսօր առավոտյան 8։10 րոպեին արդեն 220 ավտոմեքենա էր հերթի մեջ։ Հերթը ձգվում էր 1 կմ 200 մետր»,-«Առաջին լրատվական»-ի հետ զրույցում դժգոհեց մեզ զանգահարած ավտոներկրողը։
Նրա խոսքով վատն այն է, որ շատ դանդաղ է սպասարկումն իրականացվում։ 1.5 ժամում 1-2 մեքենա է մաքսազերծվում.«1-1.5 ժամում 200 մետր առաջ չենք գնում։ Սարսափելի վիճակ է։ Այսպես հնարավոր չէ։ Արդեն տարեվերջ է, ներկրվող մեքենաների թիվը հասկանալիորեն ավելացել է, բայց սպասարկման որակը, արագությունը չի փոխվում։ Զանգում ենք թեժ գիծ, ասում են՝ մենք ինչ անենք, դուք ինքներդ գնացեք ու տեսեք, թե ինչի հերթը առաջ չի գնում։ Էսպես ոնց կլինի»,-դժհոգեց մեր զրուցակիցը։
Առավել մանրամասն՝ տեսանյութում։