Ռուսական Regnum գործակալության փոխանցմամբ՝ Ադրբեջանի նախագահ Իլհամ Ալիևը Բաստիլի գրավման օրվա կապակցությամբ շնորհավորել է Ֆրանսիայի նախագահ Նիկոլա Սարկոզիին։
Իր նամակում Ալիևը նշել է. «Մենք մեծ կարևորություն ենք տալիս երկու երկրների միջև բազմակողմ կապերի զարգացմանը։ Միջպետական բարձր փոխահարաբերություններն ուղեկցվում են քաղաքական, տնտեսական, մշակութային ու հումանիտար ոլորտներում սերտ համագործակցությամբ։
Մենք մեծ հույսեր ենք կապում Ֆրանսիայի հետ՝ որպես ԵԱՀԿ Մինսկի խմբի համանախագահող երկիր, և անձամբ Ձեզ հետ՝ մեր ժողովրդի համար ամենացավոտ հարց հանդիսացող ղարաբաղյան հակամարտության շուտափույթ, արդար ու խաղաղ կարգավորման համար»։
Հիշեցնենք, որ ավելի վաղ Սարկոզին ցանկություն էր հայտնել այցելել Ադրբեջան, սակայն նրա ադրբեջանական առաջին այցի կոնկրետ ժամկետների մասին դեռևս ոչինչ հայտնի չէ։