Ֆրանսիացի դերասանուհի Քեթրին Դենևը, որը շտապ հոսպիտալացվել է նոյեմբերի 6-ին, կրել է իշեմիկ ինսուլտ: Այս մասին հաղորդում է AFP-ն՝ հղում անելով դերասանուհու գործակալի կողմից հրապարակված մամուլի հաղորդագրությանը:
«Դենևը մեղմ իշեմիկ ինսուլտ է ունեցել, ինչը նշանակում է, որ շուտով նրա առողջությունն ու վիճակը կվերականգնվեն: Բարեբախտաբար, սրտի բաբախման և այլ կարևոր գործառույթների հետ կապված խնդիրներ չկային»,- ասվում է գործակալ Քլեր Բլոնդելի կողմից Դենևու հարազատների խնդրանքով արված հայտարարության մեջ։
Հարազատների հայտարարության մեջ ասվում է, որ 76-ամյա Դենևը կարճատև ընդմիջում կկատարի աշխատանքից: Այս պահին նա նկարահանվում է Էմմանուել Բերկոյի «Նրա կյանքը» ֆիլմում։