Գերմանիայի Նախագահ Ֆրանկ-Վալտեր Շտայնմայերը նամակ է գրել ԽՍՀՄ նախկին նախագահ Միխայիլ Սերգեևիչ Գորբաչովին, որում նա նշել է, որ Ռուսաստանն ու Եվրոպան չպետք է համակերպվեն «վերջին տարիների աճող օտարացման» հետ: Այդ մասին հայտնում է interfax -ը:
Ինչպես նշվում է, նամակը ուղարկվել է՝ ի պատիվ Բեռլինյան պատի անկման 30-ամյակի:
«Հատկապես ցավալի է տեսնել գերմանա-ռուսական և եվրոպական-ռուսական հարաբերությունների ներկա իրավիճակը», – գրել է Շտայնմայերը:
Ըստ Գերմանիայի ղեկավարի՝ կողմերը չպետք է «կորցնեն խաղաղության և համագործակցության պայմաններում համատեղ ապագայի տեսլականը»:
Նա նաև շնորհակալություն է հայտնել Խորհրդային Միության նախկին առաջնորդին՝ Գերմանիայի միավորման գործում ունեցած ներդրման համար: