Անաստասիա Վոլոչկովան կտրուկ է արտահայտվել երգչուհի Վալերիայի և նրա ամուսնու՝ Իոսիֆ Պրիգոժինի քաղաքական դիրքորոշման վերաբերյալ, գրում է viva.ua-ն:
Վալերիայի կարծիքն այն մասին, թե քաղաքական հակամարտության պատճառով Ռուսաստանը չպետք է ուկրաինացի արտիստներին թույլատրի իր երկրում ելույթներ ունենալ, իսկ ռուս արտիստները չպետք է համերգներով Ուկրաինա գնան, վրդովեցրել է Անաստասիա Վոլոչկովային: Կիև կատարած այցելության ժամանակ պարուհին կտրուկ է արտահայտվել երգչուհու կոչերի վերաբերյալ:
«Կներեք, բայց, իմ կարծիքով, դա մարդկային մարմնավաճառություն է: Ես դա չեմ ընդունում,-Վոլոչկովային է մեջբերում «Կոմսոոլսկայա Պրավդա»-ն:- Եվ երբ այդպիսի մարդիկ կոչ են անում Ուկրաինա չգնալ, ես չեմ հասկանում, թե ինչպես կարելի է բաժանել ստեղծագործող մարդկանց, ովքեր միշտ միասին են եղել: Ուկրաինան միշտ էլ հյուրընկալ է եղել ռուս արտիստների հանդեպ: Իսկ այժմ Վալերիայից և Իոսիֆ Պրիգոժինից այսպիսի բառեր լսել… Դա նրա անձնական կարծիքը չէ, այլ նրա ամուսնու և պրոդյուսերի: Ես ուղղակի վրդովված եմ: Երբ պետք է եղել, նա եկել և մասնակցել է բոլոր համերգներին, ամեն տեղ գալիս և փող էր աշխատում, իսկ երբ քամին մյուս կողմը սկսեց փչել, նա այդ կողմն անցավ»:
