Չինաստանում փորձ անցկացվեց, որի ժամանակ աշակերտները գլխներին ուղեղի ալիքները կարդացող սարքեր էին հագնում, որը նախատեսված էր իրենց ուշադրությունն ու կենտրոնացումը վերահսկելու համար: Այդ մասին հայտնում է The Guardian- ը:
Նախագիծը փակվեց ստացված տվյալները ի չարս երեխաների օգտագործելու վտանգի պատճառով, քանի որ սարքը վերահսկում էր ուղեղի ալիքներն ու տվյալներն ուղարկում համակարգիչ: Փորձը կատարվել է Ցինխուա քաղաքի Սյաոշըն դպրոցում:
Ըստ դպրոցի ուսուցիչներից մեկի, փորձը կատարվել է մեկ տարի շարունակ, և հավաքված տվյալները փոխանցվել են մշակող ընկերության սերվերին: Ընդգծվում է նաև, որ աշակերտները որևէ կողմնակի ազդեցություն չեն նկատել: Արժե շեշտել, որ փորձի արդյունքները դպրոցականների ծնողներին չեն տրամադրվել:
«Այն, ինչ անում ենք, ուսանողներին օգնում է տեսնել, թե ինչի վրա են կենտրոնանում: Քանի որ տվյալները փոխանցվում են նաև ուսուցչին, աշակերտները փորձում էին ավելի շատ կենտրոնանալ դասերի վրա: Եվ որոշակի դրական փոփոխություն իսկապես նկատելի էր», – ասում էՍյաոշըն դպրոցի ուսուցիչը:
Հայտնի է, որ սարքը մշակել է ամերիկյան BrainCo և չինական գործընկեր Zhejiang BrainCo Technology Co Ltd.-ը:
BrainCo-ի չինական գործընկերոջ ներկայացուցիչն ասաց, որ ուսանողները սարքերը կրում էին շաբաթը երկու անգամ՝ 30-ական րոպե:
Նախագիծը փակվեց այն բանից հետո, երբ հոկտեմբերի 1-ից ուժի մեջ մտավ ՉԺՀ Կիբեռտարածության վարչության ընդունած՝ Ինտերնետում երեխաների պաշտպանության մասին հրամանագիրը։ Փաստաթուղթը պահանջում է տեղեկատվության գաղտնագրում, տեղեկատվության հավաքագրման համար ծնողների թույլտվություն, նաև օգտագործողի հետ համաձայնագիր կնքում:
