Պետական եկամուտների կոմիտեի նախագահ Դավիթ Անանյանն ընդունել է «Ռապիսկան սիսթեմս» ընկերության վաճառքի տնօրեն Անգուս Ֆոուլին և կազմակերպության հայաստանյան ներկայացուցիչներին: Այս մասին տեղեկացնում են ՊԵԿ լրատվականից: Դավիթ Անանյանը ողջունել է ներկաներին և կարևորել նման կազմակերպությունների հետ ՊԵԿ համագործակցությունը՝ ընդգծելով, որ այն կարող է նպաստել Պետական եկամուտների կոմիտեի վերահսկողության համակարգերի կատարելագործմանը:
Անգուս Ֆոուլն իր հերթին շնորհակալություն է հայտնել Դավիթ Անանյանին ընդունելության համար, բարձր է գնահատել ՀՀ ՊԵԿ-ի կողմից իրականացվող քաղաքականությունը և նշել, որ երկրի սահմանների տնտեսական պաշտպանության առաքելությունը շատ կարևոր նշանակություն ունի:
Կողմերն ընդգծել են նաև 25 տարվա համագործակցության կարևորությունը և հավելել, որ հետագայում այն կարելի է զարգացնել այլընտրանքային ուղղություններով՝ բարձրացնելով պետական եկամուտների հավաքագրման և հակակոռուպցիոն գործունեության արդյունավետությունը:
Ի նշան համատեղ արդյունավետ աշխատանքի՝ ընկերությունը ՊԵԿ-ին է տրամադրել ձեռքի օգտագործման սքանավորման համակարգ, որը նոր, առավել արդիական անվտանգության ապահովման միջոց է:
