Ուկրաինայում մարդու իրավունքների խախտման համար պատասխանատուները պետք է դատարանի առջև կանգնեն: Այս մասին չորեքշաբթի օրը հայտարարել է Եվրոպայի խորհրդի գլխավոր քարտուղար Տուրբերն Յագլանդը, գրում է Ria Novosti-ն:
Գլխավոր քարտուղարի խոսքերով` ինքը համաձայնության է հասել Ուկրաինայի նախագահի պաշտոնակատար Ալեքսանդր Տուրչինովի հետ այն մասին, որ այդ երկրի խորհրդարանում անհրաժեշտ է ԵԽ գլխավոր քարտուղարի հատուկ հանձնակատարի ներկայությունը:
Յագլանդը նաև ընդգծել է քաղաքական կառույցների, օրենքների և սահմանադրության ստեղծման անհրաժեշտությունը, որին բոլորը կաջակցեն: Նրա խոսքերով, մարդու և բոլոր փոքրամասնությունների պաշտպանությունը ևս մեծ նշանակություն ունի:
