Վերջերս տարբեր աղմկահարույց հայտարարություններով հանդես եկած Արցախի Անվտանգության խորհրդի նախկին քարտուղար Վիտալի Բալասանյանն այսօր մամուլի ասուլիս է տվել։
Պետական համակարգում երկար տարիներ աշխատած մարդը երբ նման հայտարարություններ է անում, արդյոք չի հասկանո՞ւմ դրանց հետևանքները․ «Առաջին լրատվական»-ի հարցին հրապարակախոս Հրանտ Տեր-Աբրահամյանը պատասխանեց․ «Նախքան հարցին պատասխանելը, ես մի հարցադրում կցանկանայի դնել՝ ինչի՞ է ընդհանրապես հնարավոր, որ Հայաստանի կամ Արցախի որևէ նախկին պաշտոնյա հանդես գա նման հայտարարություններով Հայաստանի որևիցե իշխանության հասցեին։ Ես այս հարցը նախ և առաջ կուզեի տալ մեր կառավարությանը։ Ես հարցը չեմ տալիս Վիտալի Բալասանյանին, այլ այն տալիս եմ իշխող թիմին՝ ինչո՞ւ է հասել վիճակը սրան, որովհետև Հայաստանի որևէ իշխանության օրոք նման բան չի եղել։ Նշեմ, որ 1990-ականներից սկսած, որևէ նախկին պաշտոնյա չի արտահայտվել իշխող ուժի դեմ՝ կարևոր չի՝ ճիշտ թե սխալ։ Այնպես որ, ես այս հարցն ուղղում եմ կառավարությանը, որ թողել են այս հարցը հասնի սրան։
Չէր կարելի վիճակը հասցնել սրան, որովհետև անկախ նրանից՝ Վիտալի Բալասանյանը ճիշտ է, թե սխալ, նա հայտնի բարձրաստիճան զինվորական է, և Արցախ-Հայաստան այս կոնֆլիկտն ակնհայտորեն հրահրվում է դրսից։ Բայց ամեն դեպքում այս ամեն ինչի պատասխանատուն իշխող թիմն է։ Նորից եմ կրկնում՝ չէր կարելի և չի կարելի հասցնել դրան, որովհետև այս հակամարտությունից տուժելու են բոլորը։ Նույն Վիտալի Բալասանյանը Սերժ Սարգսյանի օրոք էլ շատ բաներից դժգոհ էր, բայց երբեք չէր բարձրաձայնում»։
Մանրամասները՝ տեսանյութում։
