Մոնակոյի իշխան Ալբերտ 2-րդը կարող է ամուսնալուծվել արդեն ամենամոտ ապագայում` չհասցնելով վայելել նույնիսկ մեղրամիսը: Իսկ պատճառը ԴՆԹ-թեստն է, որով պետք է որոշվի, թե արդյո՞ք Ալբերտն ունի նաև 3-րդ արտաամուսնական երեխան: Այս մասին գրում է CityPress հարավաֆրիկյան թերթը:
Նշվում է, որ լուրը երրորդ երեխայի մասին գրեթե տապալել էր Ալբերտի ամուսնական արարողությունը, սակայն հնարավոր է եղել համոզել նրա կնոջը ներկա գտնվել արարողությանը, թեպետ հարավաֆրիկացի օլիմպիական չեմպիոն Շարլենը, ըստ ֆրանսիական լրատվամիջոցների, մի քանի անգամ փախուստի փորձ էր կատարել: Թերթը գրում է, որ իշխանն ու նորընծա իշխանուհին չեն հաշտվել այդ սկանդալից հետո և նույնիսկ տարբեր սենյակներում են քնում Հարավաֆրիկյան Հանրապետությունում անցնող իրենց մեղրամսի ժամանակ: