Մադրիդի «Ռեալ»-ի պաշտպան Սերխիո Ռամոսը հուսով է, որ ակումբը դուրս կգա Չեմպիոնների Լիգայի գավաթի խաղարկության կիսաեզրափակիչ:
«Քրիշտիանու Ռոնալդուն մեր թիմի առաջատարն է, բայց դա չի նշանակում, որ «Ռեալ»-ը պետք է անհաջողության մատնվի, եթե պորտուգալացին դուրս է մնացել շարքից: Այո, նա հազվադեպ է վնասվածք ստանում, և մեզ համար անսովոր է խաղալ առանց Ռոնալդուի, բայց թիմը կարողանում է անել դա:
Ժամանակակից ֆուտբոլում չի կարելի կախված լինել մեկ-երկու ֆուտբոլիստներից: «Ռեալ»-ը պետք է իր խնդիրները լուծի նաև առանց Ռոնալդուի օգնության:
Չպետք է «Բորուսիա»-ին Գերմանիայում ռևանշի հասնելու հնարավորություն տալ: Առաջին խաղում հաղթել ենք հարմարավետ՝ 3:0 հաշվով, ինչը կիսաեզրափակիչ դուրս գալու լավ հնարավորություն է տալիս»,- Ռամոսի խոսքերը մեջբերում է Marca-ն:
